Goizueta eta Leitza artean bi bihurgune zabalduko dituzte

Goizueta eta Basakabi artean bi bihurgune zabaldu eta hobetuko dituzte.

Errepideko lanek hiru hilabete iraungo dute eta 360 mila euroan lizitatu ditu Gobernuak.

Nafarroako Gobernuko Lurralde Kohesiorako Departamentuak, Herri Lan eta Azpiegituren Zuzendaritza Nagusiaren bitartez, lizitaziora atera ditu Leitza eta Goizueta arteko NA-4150 errepideko 4,780 eta 4,970 puntu kilometroetan kokatutako bi bihurgune zabaltzeko eta hobetzeko lanak, 360.518 euroren truke (BEZa barne). Jarduerari esker, bideko zati horietako arazoak konpondu eta ikusgarritasuna eta segurtasuna hobetu ahal izango dira.

NA-4150 errepidea oso bihurgunetsua izanik, Urumea ibaiarekiko paraleloa da. Bere egungo galtzadak, jarduketaren errepideko tarte bietan, ez ditu aurkezten baldintza optimoak; gainzabalera arras txikia da eta bihurgunetako erradioak oso murritzak.

Jarduketaren lanek aipatu bihurgune bietako errepidea zabaltzea eta hobetzea eskatzen dute, bere zabalera eta erradioa hedatuz.

Lehenengo bihurguneak, 4,780 p.k.-an kokatuak, 10 metroko erradioa du, eta bere gainzabalera aldakorra da, zabalera maximoa 6 metroko ingurukoa izanik. Hobekuntza lortzeko kanpo aldetik 14 metroko erradioa duen ardatz bat definitu da, ibilbide osoan zehar gainzabalerak ziurtatuz, 7,40 metro inguruko zabalerari bidea emateko.

Hiru hilabeteko epean egin beharko da, eta, horri esker, bideko zati horietako arazoak konpondu eta ikusgarritasuna eta segurtasuna hobetu ahal izango dira.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!