Omenaldi beroa egin zioten goizuetarrek, ostiral arratsaldean, Joxe Jabier Etxeberria mediku ohiari. Ia hiru hamarkadatan herriko mediku izan ondoren, erretiroa hartu berri du Etxeberriak, eta bere ibilbidearen aitortza egin eta eskerrak eman nahi izan zizkioten herrikideek. Abesbatzak eta dantzariek ere hartu zuten parte, eta plaka bat eman zion Unai Miranda alkateak, errekonozimendu gisa.
Felix Loiarterenak dira argazkiak.