Orain gutxi hartu du erretiroa Joxe Jabier Etxeberria goizuetarrak, 29 urtez Goizuetako medikua izan denak. Eta bere ibilbidea goraipatu eta eskertzeko, ekitaldi xumea prestatu dute gaur iluntzerako, herrian bertan. Omenaldia eginen diote Goizuetako Udalak eta hainbat herritarrek, 20:00etan, udaletxeko orapean. Bertan egon nahi duten herritar guztiei luzatu diete gonbitea, omenaldian parte hartzeko.
Ia hiru hamarkada egin ditu Joxe Jabier Etxeberriak, 1993tik, herriko osasun etxeko mediku gisa; eta 2004tik hona izan da bertako mediku titularra.