LGTBI+ Harrotasunaren Eguna da gaurkoa, eta horren harira, hitzordu bikoitza jarri dute Goizuetan. Batetik, eraso matxisten aurrean erantzuteko protokoloaren aurkezpena eginen dute arratsaldean. Udaletxeko ganbaran izanen da, 17:00etatik 19:00etara. Maiatzean, bi saiotan landu zuten protokoloa, herritarrekin batera; eta prozesu horren emaitza aurkeztuko dute gaur arratsaldean.
Eta bestetik, LGTBI+ Harrotasunaren Nazioarteko Eguneko elkarretaratzea eginen dute iluntzean, 20:00etan Plazan.
Bi ekintzetan parte hartzeko deia egin diete herritar guztiei.