XXI.en Zegama-Aizkorri Mendi Maratoia ospatuko da igandean, Zegaman, eta korrikalarien artean izanen da Hodei Lujanbio goizuetarra. Lasterketa honetan parte hartzen duen lehenengo aldia da Lujanbiorena, eta gogotsu hartuko du erronka.
Goizeko 09:00etan hasita, Lujanbiok ibilbide gogor bezain gozagarri bati egin beharko dio aurre. Izan ere, lasterketak 42,195 kilometroko luzera du eta metatutako desnibela, berriz, 5.472 metrokoa da.
Urtero bezalaxe, bailarako herritar mordoa egonen da ikusle gisa ikuskizunaz gozatzeko prest.