Joan den asteburuan, bi urteko etenaldi luze baten ostean, Txinoko jaiak ospatu ziren. Zubiondo Tabernako Eduardok eta familiak antolatu zuten festa. Ostiral gauean jokatu zuten mus txapelketarekin emanen zitzaion hasiera jaiari, eta Oier Apezetxea eta Oihan Zugarramurdi izan ziren irabazleak, Fermin eta Austin Nabarteri irabazita finala.
Larunbat eguerdian, Martin Xauxarrek bota zuen itxaferoa, Fernando Goia Polloren laguntzaz, jaiak ospatzen ari zirela adierazteko. Dragoiak ere ez zuen huts egin, eta Goizuetako kaleak alaitu zituen. Larunbat arratsaldean, berriz, Unai Agirre hernaniarrak eta Xabier Legarreta aranoarrak egin zuten bertso saioa, eta giro «ezin hobea» izan zen bertan. Eta afari eder baten bueltan esan zieten agur, larunbat gauean, aurtengo Txinoko jaiei. k
