II. Garagardo Festa ospatzeko eguna apirilaren 30ean izanen da, hileko azkeneko larunbatean. Antolatzaileek aurreratu duten moduan, joan den urtean baino 20 herritar gehiagorentzat egonen da afariaz gozatzeko aukera; zehazki, 100 lagunentzako. Txartelak salgai daude Amaia kafetegian eta Motzane tabernan, eta eskuratzeko azken eguna, apirilaren 26a izango da.
Garagardo zalea den herritar talde batek antolatu du festa, eta Umore Ona elkarteak babestuta ekinen zaio festari. Afarian, garagardoa lasai edaten duten bitartean, musika ere egonen da.
Bigarren edizioa, aurtengoa
Pandemiaren ondorioz, joan den urtean ez zuten Garagardo festa behar bezala ospatu. Aurten aldiz, neurriak malgutu direnez, bigarren edizioa prestatu dute. Txartelek bi prezio dituzte: bata 22 eurokoa da, eta bestea, berriz, 13 eurokoa. Bietan dagoen menua garagardo festako tipikoa izanen da. Izan ere, dastatu ahal izanen dute entsalada, txekor saiheskia, saltxitxak, patata purea, postrea, kafea eta kopa. Soilik menua nahi dutenek, 13 euro ordaindu beharko dute. Menuaz gain bost garagardo dastatzeko aukera hautatzen dutenek, 22 euroren truke afalduko dute. k