Semifinaletara pasea, Oier Apezetxeak

Berria Txapelketako semifinaletara pasea zeukaten jokoan larunbatean, Galarretan, bi goizuetarrek: Oier Apezetxeak, Aldaberekin batera; eta Aritz Zubirik, Susperregirekin. 35-27 nagusitu ziren Apezetxea eta Aldabe, Etxarriren eta Martirenaren kontra; eta pasea ez ezik, multzoko aurreneko postua ere lortu dute. Zubirik eta Susperregik, ordea, 16-35 galdu zuten, Urrutia IIren eta Labakaren kontra; eta txapelketatik kanpo geratu dira. Orain, semifinaletan, Apezetxeak eta Aldabek aurrez aurre izango dituzte Urrutia II eta Labaka, bi asteburu barru. Aurretik, ostiral honetan, aurreneko semifinala izango da: Loitegi eta Zaldua I, Goikoetxea V eta Odeiren kontra.