GoizuKoop kooperatibak antolatuta, energia berriztagarriei buruzko hitzaldia eskaini zuen Goienerrek, joan den ostiralean, Goizuetako udaletxeko ganbaran: Berriztagarriak sustatzen, autokontsumotik energia komunitateetara. Goienerreko Maria Arretxek eman zizkien azalpenak, eta herritar askoren interesa piztu zuen gaiak. Izan ere, 40 lagun inguru bildu ziren ganbaran, energia berriztagarriei buruz gehiago jakiteko.
