Gaur jokatuko du Iker Salaberria goizuetarrak, profesional mailan, Promozioko Binakako Txapelketan. Zallan ariko da, eta ligaxkaren bigarren itzulia hasiko du Salaberriak, bertan, Erostarberekin batera. Gaueko 22:00etan hasita, aurrez aurre izango dituzte Victor eta Gaskue.
Maila ederrean aritu dira Salaberria eta Erostarbe, aurreneko itzulian; eta lider dira une honetan, jokatutako zazpi partiduetatik sei irabazita. Haiekin berdinduta daude Bakaikoa eta Elizegi, beste sei garaipenekin; eta atzerago hirugarren sailkatuak, Zubizarreta III eta Eskiroz, lau partidu irabazita. Zazpigarren garaipena nahi dute gaur.