'Tratu onen kultura gurasogintzan' hitzaldia ostegunean, ganbaran

LAGA Gizarte Zerbitzuen Mankomunitateak antolatuta, Tratu onen kultura gurasogintzan saioa izanen da ostegunean, udaletxeko ganbaran. Arremanitz kooperatibako kideek gidatuko dute saioa, eta bi orduko iraupena izanen du, 17:00etatik 19:00etara. 3 eta 14 urte bitarteko umeen gurasoei zuzendutako ekintza da, eta parte hartzeko beharrezkoa zen aldez aurretik izena ematea. Bestalde, aurreratu dute haurrentzako zaintza zerbitzua eskainiko dutela. Zerbitzua erabili behar bada, aldez aurretik eman behar da izena.