Etenaldi luzea izan du Goizuetako Umore Ona abesbatzak, iazko martxoan pandemia hastearekin batera gelditu baitzuen bere jarduna. Eta ordutik, ez dira berriro elkartu, kantatzeko.
Baina martxan da abesbatza berriro, osasun egoerak hobera egin duten honetan, eta neurrien malgutzeak hala ahalbidetuta. Eta bihar hasiko ditu entsaioak: ostiralero eginen dituzte, dantzetarako lokalean, arratsaldeko 19:30etatik 21:30etara.
Hori horrela, abesbatza «indarberritu» nahi dute, eta bertaratzeko gonbitea luzatu diete kantatzea gustuko duten guztiei. Abesbatzako edozein partaideri abixatuta eman dezakete izena, eta ostiraletako entsaioetara azaldu. «Edonork hartu dezake parte, eta entsaiora etortzera animatzen bazara, seguru ongi pasako duzula», nabarmendu dute abesbatzatik