Nafarroako Gobernuak duela gutxi anbulantzia utzi dio Goizuetako suhiltzaile boluntarioen parkeari, Goizuetan eta Aranon larrialdietako garraio sanitarioaren zerbitzua emateko asmoarekin.
Anbulantzia honek aurrekoa ordezkatu du, gehieneko epea gainditu ondoren. Izan ere, anbulantziek matrikulako egunetik 10 urte bitarteko bizitza izan ohi dute; eta aurrekoak, aldiz, epea pasata zuela ziurtatu dute.
Horrekin batera, utzitako anbulantzia Nabaskozeko suhiltzaileen eskualdeko parkekoa dela jakinarazi dute, «han berri bat izango baitute». 2026ko abuztura arte izango dute anbulantzia herrian.