Goizuetan Karmen bezperako afari herrikoia eginen dute 20:30ean, etzi uztailaren 15ean. Lagun talde bakoitzak bere afaria eraman beharko du. Ondotik, sua piztuko dute urtero bezala, baina distantziak mantenduz eta segurtasun neurriak hartuz. Honez gain, ur-txirrista eginen dute larunbatean herrian. Uztailaren 17an, 15:00etatik 19:00etara, gazteek eta ez hain gazteek kalean jarriko duten txirristaz gozatu ahal izanen dute.