Jarduera fisiko egokitua eskainiko dute Dantzetako lokalean, maiatzetik uztailera bitartean, 65 urtetik gorakoei zuzenduta. Astelehen eta ostegun goizetan eginen dituzte saioak, 09:30etan hasi eta 10:30ak arte.
Leitza, Areso, Goizueta eta Aranoko Gizarte Zerbitzuen Mankomunitateak antolatu du, Leitzako Udalarekin eta Anikote Kirol Zerbitzuarekin batera; eta aurreratu dutenez, segurtasun neurri guztiak beteko dituzte.
Ikastaroan parte hartzeko, hori bai, aldez aurretik eman beharko da izena, eta bihar da azkeneko eguna: 948 51 07 19 telefonora deitu behar da. 50 eurokoa da ikastaroaren prezioa.