Nafarroako Foruzaingoak aditzera eman zuenez, salaketa jarri zien igande goizean, Mandoegiko gainean, zenbait motorzaleri. Tontorrean bertan zebiltzan motoekin, mendian barrena, eta legez debekatuta dago hori. Horrela, Foruzaingoko Ingurumenaren Babeserako atala bertaratu zen, eta salaketa jarri zien motorzaleei.
Nafarroako 36/1994 Foru Dekretuaren arabera, debekatuta dago mendian barrena ibiltzea, ez bada errepideetan, bi metro edo zabalagoak diren landa bideetan, su-ebakietan edo egurra ateratzeko bideetan. Eta bidearen zabalera bi metro baino zabalagoak diren zenbait bidetan ere, debekatuta dago ibiltzea, administraziok hala erabakita.
Foru Dekretu horren arabera jarri die salaketa Foruzaingoak, Mandoegin zebiltzanei.