Kotxe istripu baten ondorioz, bi lagun zauritu ziren astelehen gauean Goizuetan, Na-4150 errepidean, 20garren kilometroaren parean. Hiru lagunek izan zuten istripua, baina bi eraman zituzten Donostiako ospitalera bi anbulantziatan.
Goizuetako suhiltzaile boluntarioen anbulantzian eraman zuten horietako bat, eta Leitzako 'Baztan-Bidasoa' anbulantzian bestea. Lanean aritu ziren istripua gertatu zen tokian, Goizuetako suhiltzaileak, osasun etxeko guardiako medikuak, Baztan-Bidasoa anbulantzia eta Foru Polizia.
