Ostegun gauean jazo zen ezbeharra, 81 urteko Goizuetako bizilagun bat hil zen, Pagotxuri inguruko landa-bide batean izandako trafiko istripu baten ondorioz, Foruzaingoak jakinarazi zuenaren arabera.
Gaueko 20:55etan, biktimaren semeak abixua eman zuen, desagertu egin zela, eta bilaketa-dispositibo bat jarri zuten martxan. Istripua izan zuen gizona amildegi batean aurkitu zuten herritar batzuek, kotxearekin, bidetik aterata eta bertara erorita; eta zuhaitz haundi bat jota, hilda aurkitu zuten Goizuetako 81 urteko gizona.
Artikutzan ere, beste ezbehar bat gertatu zen
Ostegun goizaldean berriz, beste gizon bat erreskatatu behar izan zuten Goizuetako suhiltzaileek, eta mediku-erizainek, goizeko 05:45ak aldera. Artikutzan, kotxeraekin bidetik atera eta errekara erori zen. Gizona bertatik atera eta ospitalera eraman zuten.