Goizuetako Arainburu Mendi Taldeak mendi irteera antolatu du, larunbat honetarako. Goizeko 09:30etan abiatuko dira Artzandik, eta Nekuko zubira heltzea izango da parte-hartzaileen jomuga. Denera, 8,2 kilometroko ibilbidea osatuko dute, eta bi ordu edo bi ordu eta erdiko iraupena izango duela kalkulatu dute.
Adierazi dutenez, 12 laguneko taldeak osatuko dituzte ibilbidea egiteko, eta, gehienez, 36 herritarrentzat dago lekua; horregatik, beharrezkoa da aldez aurretik izena ematea. Interesa dutenek eta mendi irteeran parte hartu nahi dutenek Goizuetako Estankoan eman dezakete izena.