Mendi irteera antolatu du Arainburu Mendi Taldeak, larunbat honetarako. Goizeko 09:30etan elkartuko dira, Artzanen, eta bertatik abiatuko dira, Nekuko zubira bidean. Guztira, 8,2 kilometroko ibilbide erraza osatuko dute, eta bi ordu edo bi ordu eta erdiko iraupena kalkulatu dute.
12 laguneko taldeak osatuko dituzte ibilbidea egiteko, eta talde bakoitzak gida bana izanen du. Hiru gida egonen dira, eta beraz, gehienez ere 36 lagunentzat izanen da tokia. Hori horrela, parte hartzeko izena eman behar da aldez aurretik, Goizuetako Estankoan. Ostegunera arte dago epea, horretarako.
Egoera zein den ikusita, deialdia soilik herritarrei zabaltzea erabaki dute, eta bakoitzak eraman beharko du bere hamaiketakoa. Gainera, musukoa ere eraman beharko da, segurtasun neurriak mantendu ezin diren momentuetan erabiltzeko.
