Atzo laneko istripu bat izan zuen 27 urteko gazte batek Goizuetan, Enekolorrin hain justu, eta Goizuetako suhiltzaileek erreskatatu zuten. Istripua izan zuen baso langilea zuhaitz batek kolpatu zuen, eta buruan eta bizkarrean zauri «larriak» eragin zizkion. Larunbatean, helikoptero baten laguntzarekin garraiatu zuten 27 urteko gaztea Nafarroako ospitalera. Erreskate lanetan guztira 12 boluntario aritu ziren, Goizuetako suhiltzaile boluntarioak eta Goizuetako mediku-erizainak, besteak beste. Azaldu dutenaren arabera oraindik zauritua ospitalean dago.