Dagoeneko badaki Aimar Olaizola goizuetarrak, noiz jokatuko duen Binakako Txapelketa Nagusiaren finala: abenduaren 8an izanen da, asteartearekin, baina jaiegunez. Oraindik ez dakiena da, noren kontra ariko diren, bera eta Mikel Urrutikoetxea. Izan ere, epaileak erabaki du jokatu egin behar dela semfinaletako ligaxkaren azkeneko partidua: Ezkurdia eta Martija, Agirre eta Albisuren kontra.
Finala baino lau egun lehenago jokatuko dute hori, abenduaren 4an, ostiralarekin; eta partidu horretako bikote irabazlea izango da, hain justu, bigarren finalista.
Bitartean, partiduak jokatzen jarraituko du Olaizolak; eta gaurkoak, bereziki, balioko dio finalerako prestaketa gisa. Izan ere, Urrutikoetxearekin berarekin ariko da, Bilbon, arratsaldeko 17:45etan hasita: Irribarria eta Martija izanen dituzte aurrez aurre. Publikorik gabe jokatuko da, eta ETB1 telebista kateak eskainiko du, zuzenean.
Atzo gauean, Iker Salaberriak izan zuen, Buruz Buruko Txapelketaren semifinala, Axier Arteagaren kontra.