Nafarroako Gobernuak 1.209.000 euroko dirulaguntzak eskainiko ditu Artea eta Kultura 2020 eta Udal Platea programen barruan. Dirulaguntza honen onuradun 87 herri izanen dira eta deialdien bitartez, jarduera artistikoak eta kulturalak sustatu nahi dira. Goizuetak Artea eta Kultura 2020 programari dagokiona lortu du.
40.000 biztanle baino gutxiagoko herrientzako
Deialdi honen irizpideen arabera, 40.000 biztanle baino gutxiagoko udalerrietako jarduera kulturalak zuzenean kudeatzen dituzten erakunde edo entitateek eskuratu ahal izanen dituzte laguntzak eta hor sartu da Goizueta.