Goizuetan 2017ko urriaren 1etik jarduera ekonomikoa martxan jarri duten herritarrek dirulaguntza eskatu ahal izango dute Udalean. Izan ere, Goizuetako Udalak Goizuetan autoenplegua sustatzeko dirulaguntza banan-banako ebaluazio araubidean ezartzen duen ordenantza onartu zuen. Hori horrela, dirulaguntza eskuratu ahal izango dute Goizuetan norberaren kontura aurrez aipatutako datatik jarduera ekonomikoen gaineko zergan alta emanda duten bizilagunek.