Azken asteetan COVID-19 kasuak pixkanaka igotzen ari direla ikusita, Goizuetako Udalak Nafarroako Gobernuko Osasun Zuzendariak ezarritako neurriak aurrera eramatea erabaki du. Lehenik, Udalak adierazi du 15 egunez luzatuko dela uztailaren 22ko 7/2020 Foru Agindua. Horregatik, taberna, jatetxe, elkarte, pub eta aisialdi guneek gaueko 02:00 eta 06:00ak bitartean itxita egon beharko dute.
Bestalde, taberna eta elkarteetan mahai bakoitzean 10 lagun bildu daitezke, gehienez. Eta azkenik, kalean edo parkeetan debekatuta dago botiloi edo gisakoak 02:00 eta 06:00ak bitartean egitea. Eta ordutegi horretan ezingo dira 10 lagun baino gehiagoko taldeak elkartu.
«Aurten ez da festarik izanen» gogoratu du Udalak.