Udalak jakinarazi du gaur ere modu telematikoan eginen dela Plenoa, lehengo hilean bezala. Arratsaldeko 19:00etan hasiko da, eta zortzi puntuko gai-ordena izanen du.
Herritarrentzako ere irekia da, eta, beraz, parte hartu nahi duenak, Jitsi Meet aplikazioa beharko du, mugikorrean edo ordenagailuan, eta lotura honetan sartu, 19:00etan: https://meet.jit.si/plenoagoizueta
Aurrekontuak, landa eta bizitzak, puntuetako hiru
Denera, zortzi puntuko gai-ordena izanen du gaurko Plenoak. Aurrena, aurreko aktak onartzearen ekinen zaio. Segidan, gastu eta diru-sarreren berri emanen da, eta hirugarren puntuan, hainbat informazio emanen dira. Laugarren puntuan, berriz, eskaerei eginen zaie tartea.
Ondoren, Landa Garapen eta Ingurumen Departamentuko Mendietako Atalak, Goizuetako Ixkibi eta Atson Erlean mendian egin behar duen landaketa lanei onarpena ematea da asmoa.
Seigarren puntuan, berriz, Gizarte Zerbitzuetatik zabaldu den mezuarekin bat egiten duen adierazpen instituzionala irakurriko da, bizitzak erdigunean jarri nahi dituena.
Bukatzeko, alkatearen ebazpenen berri emanen da, eta eskari eta galderei eginen zaie tartea.