Aurreko igandean, betizu bat aurkitu zuten tiroz hilda Goizuetan, eta Ttipi-Ttapa aldizkariaren arabera, «kasua argitu da». Adierazi dutenez, «Foruzaingoak ikerketa abiatzearekin batera, herritar bat Iruñeko komisaldegira deitu zuten, galdeketa egiteko asmoz». Gainera, Ttipi-Ttaparen arabera, galdeketan, tiratzaileak egindakoa aitortzea erabaki zuen, «abokatuak kontrakoa esan arren».
Tiratzailea oraingoz libre dago, baina karguekin
Tiratzaileak jakinarazi omen du, «pentsatu gabe» egindako ekintza izan zela. Gertatutakoari buruzko xehetasunak emateaz gain, «egindakoa onartu eta bere gain» hartu zuela ere aipatu dute Ttipi-ttapa aldizkarian. «Ehizarako erabiltzen dituen bi eskopetak eraman eta ez zuela deus jakin nahi» adierazi zuen. Horrekin batera, «barkamena eskatu eta, ahal den heinean, eragindako kaltea ordaintzeko prest» agertu zen.
Tiratzailea oraingoz libre, baina karguekin
Aipatutako tiratzailea «libre» dago, baina karguak dauzka, izan ere, «sei eta hemezortzi urte arteko espetxe zigorra ezar dakiokete».
Betizuaren nagusia «haserre» agertu zen, eta jakinarazi zuen gainera, «pena haundiz» jaso zuela albistea. Ez zuen sekula bizilagun batekin honelako tirabirarik izan, hala ere, tiratzaileak ekintzak zuzendu izana begi onez jo du eta guztia «lasaitasunez» bukatzea espero du.
Ttipi-ttapa aldizkariaren arabera, Foruzaingoak «halako gertakariak dauden guneetan neurri sendoak» hartzea aztertzen ari dela kontatu dute