Xapo aldizkaria iritsi da etxeetara

Xapo aldizkariaren azkeneko zenbakia, 19garrena, Goizuetako etxeetara iritsi da dagoeneko. Ale honetan jaso dituzte, honakoak: Goizueta inguruko burdinolak, sare sozialak gaztetxoen ikuspegitik, emakumeen mugimendua, eskolako ikasleen ekarpena, Yoniren Mexikoko bidaia, Eliren begiekin Goizueta iruditan, eta beste hainbat kontu. Goizuetako kultur taldeak eta Udalaren Euskara Zerbitzuak argitaratzen dute Xapo urtekaria, eta ale berriena irakurri nahi dutenek, Udalaren webgunean ere eskura dezakete.