Atzo egin zituzten moldaketa lanak, Goizuetan, Haritz Haunditik Harri Haundira jaisten diren bi pistetan; Artikutzara joateko bide zaharrean eta Amelaitzeko bueltan, hain justu. Eta orain, gutxienez 10 eguneko epean pista horietatik ez ibiltzea eskatu du Goizuetako Udalak, bi pistek asentatu ahal izateko.
Horrela, inguru horietan ibili behar badute, ordezko pista batzuk erabiltzea eskatu diete herritarrei. Bi pistak zintarekin itxiko ditu Udalak, goiko aldean zein behekoan.
Berdabio enpresak egin ditu moldaketa lanak, bi pistetan.