Datorren astetik izango da martxan berriro harategia, Juan Ramon Lizarraga leitzarraren eskutik. Bera izanen da Goizuetako harakin berria, Udala lokalaren esleipena eginda.
Udalak azaldu du, «interes haundia» sortu zuela harategiaren negozioak: «eta denbora tarte laburragatik batzuek atzera egin badute ere, azkenik bi interesatu aurkeztu ziren, harategia alokairuan hartzeko. Zegokion prozesua eta baldintzak beteta, Juan Ramon Lizarraga izanen da negozioarekin jarraituko duena», azaldu du.
Prozesua bukatuta eta aste honetan lokalean lan batzuk egin ondoren, datozen egunetan jarriko omen du martxan.