Bukatu dira Goizuetako Inauteriak ere. Baina, dena ondo ixteko, kontuak eginen dituzte gaur, eta aitzakia horrekin, festa beste pixka bat luzatuko da. Eguerdiko 13:00ean hasiko dira poteoan, Igandea txarangarekin, eta bazkaritarako bilduko dira mozorroak. Arratsaldean ere, Igandea txarangak girotuko du herria, festak ondo agurtzeko.
Zahagi dantzarako indarrak biltzeko nahikoa jaki bildu zituzten mozorroek.
Aurreko egunetan, hala ere, izan dute zerekin gozatu, baita ere. Mozorroak asteartean atera ziren dantzara, herrian barrena, eta ondo bazkaldu ondoren, zahagi dantzari ekin zioten, igandean gaztetxoek egin zuten bezala. Baina dantzariez gain, mariatxi, sorgin, mamu harrapakari eta abarrek hartu zuten herria, bezperan zirkuak bezala!
INAUTERIETAKO KONTUEN EGUNA
GAUR
13:00 Poteoa, 'Igandea'
txarangarekin.
14:30 Mozorroen bazkaria.
17:30etatik aurrera 'Igandea' txaranga herrian zehar.