Larunbatean jokatu ziren udazkenean hasitako Umore Ona Pilota Txapelketako finalak Goizuetako frontoian, eta bitan banatuta geratu zen txapela: umeen eta 22 urtez azpikoen mailatan Umore Onak irabazi zuen; kimu eta haurretan, Oiarpek.
Alderik haundiena, 22 urtez azpikoetan
Partidu gehienak nahiko parekatuak izan ziren; alderik haundiena, 22 urtez azpiko partiduko emaitzan egon zen.
Umeetan, bi bikoteak Umore Onakoak ziren, eta puntu bakarragatik irabazi zuten A. Legarretak eta J. Alsuak, J. Larin eta M. Garmendiaren kontra; 18-17. Kimuetan, bestalde, Oiarpeko U. Sanzberro eta U. Zelaiaran izan ziren txapeldun, 18 eta 12, Umore Onako X. Apezetxea eta A. Salaberriaren kontra. Haurretan ere Oiarpe gailendu zen Umore Onaren aurrean: M. Olaiz eta M. Leonetek egin zituzten 18 tantoak, eta O. Legarretak eta E. Elizegik 16.
Azkenik, 22 urtez azpikoetan A. Zabala eta A. Apezetxea amezketar eta goizuetarrak irabazi zuten, 22 eta 15, Oiarpeko Ugalde eta Iñarraren kontra.
Zortzi saritu, zozketan
Bestalde, elkarteak errifen zozketa egin zuen, eta irabazleek 15 egun dituzte telefonoz deitzeko, 646 056 163ra. Aurreneko saritik zortzigarrenera irabazi dituzte hurrenez hurren, zenbaki hauek: 3922, 794, 3244, 1140, 2464, 1757, 3011 eta 2834.