Ostiraleko finalerdien ondoren, argitu da nork jokatuko dituen Umore Ona Pilota Elkartearen Txapelketako finalak. Partidu horiek larunbatean, hilaren 18an jokatuko dira, arratsaldeko 17:00etan hasita.
Umore Ona eta Oiarpe, finalean
Azken finalerdietan bost partidu jokatu ziren. Umeen mailan, Larin eta Garmendiak irabazi zuten 18 eta 5, Aranberritarren kontra; eta Legarretak eta Alsuak, 18-16, Narbarte eta Sagarduiren kontra; denak, Umore Onakoak.
Kimuen mailan, berriz, Oiarpeko Sanzberro eta Zelaiaran gailendu ziren 18 eta 11, Aurrerako Martinez eta Telletxearen kontra. Haurretan ere Oiarpe izan zen nagusi: Olaitz eta leonetek 18 eta 3 irabazi zieten Vertiz eta Allende añorgarrei.
Azkenik, 22 urtez azpikoen mailan, Oiarpe izan zen nagusi baita ere: Ugalde-Etxeberriak 22 eta 7 irabazi zuten Getariako Aristi eta Ilunpeko Salegiren kontra.
Finaletan, beraz, umeetan izan ezik, Oiarpe eta Umore Ona izanen dira aurrez aurre.