Nafar Lansarek antolatuta, 30 orduko informatika ikastaroa emanen da Goizuetako eskolan, informatika gelan, urtarrilaren 14an hasi eta martxoaren 3ra. Saioak astearte eta ostegunetan emanen dira, arratsaldez, 17:00etatik 19:00etara bitartean.
Izen-ematea irekita dago. Horretarako, Doneztebeko Enplegu Agentziara deitu behar da telefonoz, 948 45 03 09 telefonora.
Langabezian daudenek, lehentasuna
Ikastaroa doan izanen da, eta edonork hartu ahal izanen du parte. Baldintza bakarra izanen da lan egiteko adinean egotea. Dena den, langabezian daudenek lehentasuna izanen dute.
Ikastaroaren helburua izanen da oinarrizko informatikari buruzko ezagutzak irakastea, eta baita interneten nabigatzen ere, bai ordenagailuan, eta baita smartphone telefonoetan ere.
Goizuetako Udalak jakinarazi du «lehengo urtean izan zuen arrakastaren harira, aurten ere Nafar Lansarek ikastaroa antolatu» duela.