Esku pilotak hartu du herria egunotan, ostiraletik hasita, partida asko eta asko jokatu dituzte goizuetarrek. Gaur izanen dituzte aste honetako azkenak, goizeko 10:00etan hasita. Lehenengo, Nafarroako Kirol Jokuen Txapelketari dagozkion bi partida jokatuko dituzte, kimuen mailakoak biak. Eta ondoren, Umore ona Pilota Txapelketako 22 urtez azpikoei dagozkienak: Aristi (Getaria) eta Salegi (Irurtzun), Pagazpeko Galarraga eta Iruretagoienaren kontra; Arribillagak (Ardoi) eta Goikoetxeak (Irurtzun), Larraungo I. Galartza eta I. Gurrea hartuko dituzte; eta azkenik, Andoingo Etxezarreta eta Arratek aurrez aurre izanen dituzte Oiarpeko I. Ugalde eta E. Etxeberria.