Hamaseigarren edizio izan zuen aurreko asteburuan Goizuetan izaten den azienda, artisau eta nekazari feriak. Goizuetarrak oso gustuko dute egun hau, haientzat oso berezia baita, hainbat txoko ezberdinetako saltzaile, baserritar eta bisitariek bat egin baitzuten Goizuetako plaza inguruan.
XVI. Feriako postuak
Aurreko asteburuan, zerua grisa zegoen, eta euria egingo zuela beldurrez ziren goizuetarrak, hori dela eta, postuak Eskoletako Pilota plazan jarri zituzten, eta azienda eta animaliak berriz plazan.
Egunak kolore iluna izan arren, goizetik hasi ziren herria girotzen, 10:00etan hain zuzen. Feriari hasiera eman ostean, goizean zehar talogeileak, trikitilariak kaleak girotzen, mota guztietako erakusketak... egon ziren.
Jarraian, 11:00ak aldera, ardien eta behorren itzulia hasi zen, eta 12:00ak aldera, herri kirol desafioari eman zitzaion hasiera.
Herri kiroletan, indarrak gastatu ondoren, bazkari eder baten bueltan bildu ziren denak. Hasteko bertako babarrunak jan ziztuzten aurreneko plater gisa, bigarrena berriz, bertako betizu gisadoa, eta postrearekin amaitu zuten bazkaria.
Arratsaldean, 18:30ak inguruan, Musikaldi paregabeaz gozatu zuten goizuetar eta bisitariek, Bixenterekin.