Urtero bezala, bazkideen bazkaria egiteko hitzordua jarri du Umore Ona elkarteak, urte bukaerarako. Abenduaren 22an eginen dute, igandearekin; eta izenematea zabalik dago. Elkartean bertan edo Amaia kafetegian apuntatu behar da, abenduaren 18ra bitarte.
Eguerdiko 14:30etan hasiko dute bazkaria, elkartean bertan; eta menua zein izanen den ere, jakinarazi dute: zizka-mizkak, paella valentziar erara, postrea, kafea eta kopa. 5 euro izanen dira, eta bazkarian bertan ordainduko da.
Elkartearen sorreratik egin dute urtero bazkaria, eta hasieran oso arrakastatsua izan bazen, behera egin du azkeneko urteotan. Dena den, joan den urtean hainbat aldaketa egin zituzten, bazkide gehiago bazkarira erakartzeko asmoz.
Horrela, larunbatetik igandera pasa zuten, batetik; eta menua puntakoa izatetik, herrikoiagoa izatera pasa zen. Horrekin, bikoiztu egin zen bazkide kopurua: 50 bat lagun elkartu ziren. Aurten berriro ere gora egitea nahiko luke elkarteak, eta guztiak animatu ditu.
Umore Ona Txapelketa
Aurreko astean hiru egunetan zehar jokatu ziren Umore Ona Txapelketako partidak maila desberdinetan Goizuetan. Aranokoa, euria zela eta, Goizuetara pasa ziren.
Aste honetan ez dago partidarik, baino Umore Onako pilotariek badute konpromezua. Astean zehar partidu desberdinak jokatu dituzte eta gaur Donezteben Erreka D taldearen aurka jokatuko du, 12:00etan, Umore Ona A-ko bikoteak hirugarren mailako lehen fasean.