Goizueta emakumeenganako indarkeriaren aurkako egunaren inguruan batu zen

Azaroaren 25a Emakumeen aur­kako Indarkeriaren kontrako Na­zio­ar­teko eguna izendatu zen 1999an. Egun hori Mirabal ahiz­pen hilketa oroitzeko au­ke­ra­tu zen. Mirabal ahizpak Dominikar Errepublikako hiru ekintzaile politiko izan ziren eta 1960ko azaroaren 25ean Ra­fa­el Trujillo diktadorearen po­liziak bortizki hil zituen. 

Urte horretatik aurrera, ema­ku­me­en talde eta mugimendu fe­mi­nis­tak data hori hartu zuen emakumeenganako in­dar­­­ke­­ria sexistaren aurkako egun bezala.
Goizuetan ere emakume tal­de bat elkartzen hasia da, eta honen baitan astelehena, aza­roa­ren 25, egunerako mo­bi­li­za­zio polita prestatua zuten. He­rri­ko hainbat txoko more ko­lo­re­ko globoekin apaindu zi­tuz­ten goizean goizetik eta arra­tsal­­de­an, globo hauek bilduz, ka­le­­ji­­ra egin zuten herrian barna. 
More koloreko arropak jan­tzi­ta, argazkia atera zu­ten bertaratutakoek. Plaza mu­si­ka­re­kin girotuta egon zen.

Udalak EH Bilduk pro­po­sa­tu­ta­ko adierazpena onartu zuen joan den azaroaren 19ko ez ohi­ko batzarrean.

Ikusten den bezala, Goi­zue­tan emakumeak antolatzen ari dira eta argi dute indarkeria ma­txis­ta­ren aurrean zero to­le­ran­tzia izango dutela
Hemendik aurrerra ere ekin­tza gehiago antolatzeko as­mo­tan omen dira, autodefentsa fe­mi­nis­tako formakuntza, bes­te­ak beste. Talde irekia da, eta ber­tan parte hartu nahi duten emakume guztiak besozabalik hartuko dira.


'Amonaren istorioak', ipuin kontaketa abenduaren 27an

Egun horren arira Amonaren istorioak ipuin kontaketa mu­si­ka­tua, abenduaren 27an, es­ko­lako  jangelan egingo da. 3-8 urte bitarteko haurrentzako Amaia Elizagoienen ardurapean es­kai­niko da. Euskal usadioetan oi­na­rri­tuta daude istorioak eta hasiera batean abenduaren 1erako bazegoen iragarrita, 27ra pasa da, eta ez zen asteazkenean egin,  Kronikan, akats baten on­do­ri­oz iragarri bezala.