bosgarrenez antolatu du izen bereko txapelketa Umore Ona Pilota Elkarteak. Bihar izanen dira aurreneko partiduak, goizeko 10:00etatik aurrera, eta urte berriaren hasierarekin izanen dira finalak, urtarrilaren 14an.
Nahiz eta hasiera igandearekin izan, gainontzeko partiduak ostiraletan jokatuko dituzte, arratsaldeko 17:30etan. Finala baino lehen, bederatzi jardunaldi jokatuko dira: azaroaren 8, 15 eta 22an; abenduaren 6, 13, 20 eta 27an; eta urtarrilaren 3 eta 12an.
Lau kategoriatan
Ohi bezala, lau kategoriatan jokatuko dute Umore Ona pilota txapelketa: Umeak, Kimuak, Haurrak eta 22 urtez azpikoak.
Parte-hartzaileen jatorriari dagokionez, 12 taldek hartuko dute parte, Goizuetako Umore Onako kideez gain: Hernani, Añorga, Orereta, Oiartzun, Azpeitia, Andoain, Leitza, Bortziriak, Lekunberri, Irurtzun, Berbara eta Erreka.
Sei partidu, bihar
Denera, sei partidu jokatuko dituzte bihar. Umeak eta Haurrak kategoriaren barruan, bana; eta Kimuak eta 22 urtez azpiko kategoriako bina. Umeak kategoriako partiduak irekiko du lehenengo jardunaldia.
Debuta atzo, Salaberriak
Dudarik gabe, asteburu berezia izanen da hau goizuetarrentzat, dudarik gabe. Umore Ona Pilota Txapelketa hasteaz gain, debuta egin zuen atzo Iker Salaberriak profesional mailan. Tolosako Beotibar frontoian izan zen. Partiduaren berri biharko alean emanen du Kronikak.
UMORE ONATXAPELKETA Biharko partiduak UMEAK KIMUAK 3. Aizpuru-Cuesta (Añorga)/O. Macicior-E. Oses (Hernani). HAURRAK 22 URTEZ AZPIKOAK 6. I. Ugalde-E. Etxeberria (Oiarpe)/A. Aizkorbe-A.Apezetxea (Umore Ona) |