Bakean dagoena, bakean utzi emanaldia eskaini zuten Goizuetako eskolako jangelan aurreko larunbatean Idoia Torregarai eta Mirari Martiarenak. Hurbildutakoak algara batean jarri zituzten euskera eta generoaren inguruko gaiak jorratuz, beti ere umorez. Makina bat kontu ukitu zituzten: euskalkiak, onomatopeiak, amatasuna, gorpuztasuna edota kristalezko sabaia, besteak beste. Konturatzerako pasa zen ordubetea.