jubilatu festa

Jubilatuen festak girotuko du herria asteburuan zehar

Umore Ona elkartean egingo da, urtero bezala, bazkaria.

Truk eta Mus Txapelketak emango dio hasiera gaur festari 16:00etan, Umore Onan. Bihar egun osoko plana dago.

Goizuetan ohiturei eusten zaie urtetik urtera eta asteburu honetan aspaldian ospa­tzen den Jubilatuen Festa izanen da. 65 urtetik goitikoen­tzako antolatzen du Umore Ona elkarteak eta bi egunez izanen dute zerekin gozatua. 200 goizuetar dira guztira, 65 urtetik goitikoak; eta gonbidapen bana jaso dute etxean. Izena eman behar zuten aste honetako asteratera arte bazkarira joateko.

Gaur arratsaldean hasiko dira ekitaldiak, Truk eta Mus Txapelketak jokatuko dituzte, elkartean bertan, arratsaldeko 16:00etan hasita.

Eta bihar, egun osokoa izanen da plana. Aurrena, pi­lo­ta partiduak jokatuko dira frontoian, 10:00etan hasita. Umore Ona Txapelketaren laugarren edizioko aurreneko partiduak izanen dira, hain justu. Ondo­ren, 11:00etan, 65 urtetik goitikoentzako meza izanen da elizan. 

Eta handik elkartera mu­gituta borobilduko dute festa: bazkaria (arrain zopa, legatza, solomilloa, tarta txanpainarekin, kafea eta likoreak), eta Luix Elizegiren musika emanaldia, «aspertu arte».