65 urtetik goitikoen festa, datorren astean

Urteroko ohiturari eutsiz, 65 urtetik goitikoen festa antolatu du Umore Ona elkarteak, da­torren astebururako. Bi egunez izanen dute zerekin gozatua.

Larunbatean, Truk eta Mus Txapelketak jokatuko dituzte, elkartean bertan, arratsaldeko 16:00etan hasita.
Eta igandean, egun osokoa izanen da plana. Aurrena, pi­lo­ta partiduak jokatuko dira frontoian, 10:00etan hasita. Umore Ona Txapelketaren laugarren edizioko aurreneko partiduak izanen dira, hain justu. Ondo­ren, 11:00etan, 65 urtetik goitikoentzako meza izanen da elizan. Eta handik elkartera mu­gituta, borobilduko dute festa: bazkaria (arrain zopa, legatza, solomilloa, tarta txanpainarekin, kafea eta likoreak), eta Luix Elizegiren musika emanaldia, «aspertu arte».

Etzidamu arte, baieztatzeko
200 goizuetar dira guztira, 65 urtetik goitikoak; eta gonbidapen bana jaso dute etxean. Joa­teko as­moa dutenek, da­to­rren asteartera arte dute epea, ba­iez­­tatzeko: bu­eltan entregatu be­har dute gutuna, baieztapenarekin, Umo­re Onan edo el­kar­teko buzoian.