Garagardo Festa antolatu du gaurko, herritar talde batek, Umore Ona elkartearen babesarekin. Elkartean bertan izanen da, gaueko 21:30etan hasita, eta arrakasta ziurtatuta dago, hasi aurretik ere: salgai jarritako 80 txartelak berehala agortu ziren, epea baino astebete lehenago.
Horrelakoetan izaten den afari tipikoaz eta garagardoaz gainera, musikaz ere gozatuko dute bertaratuek, konpletoa izateko aurreneko Garagardo Festa hau. Ziur ez dela azkena izanen, baina toki haundiagoa bilatu beharko dute, hurrengorako!