Pausoz pauso egin zion historiari errepasoa, aurreko larunbatean, goizuetar talde batek. Kultur Agendaren baitan, ibilaldia osatu zuten, Abañotik abiatu eta Goizuetan bukatuta, Aranotik igaroz; Hernani eta Goizueta lotzen dituen oinezko bidearen zati bat, hain justu.
27 laguneko taldea elkartu, eta historiako hainbat pasarte ezagutzeko aukera izan zuten, ibilbidean zehar, Jose Jabier Etxeberriaren azalpenekin. Goizean goiz joan ziren Abañora autobusez, eta eguerdiko ordubaterako ziren Goizuetan, ibilaldia bukatuta.
Plan borobila izan zen, eta gustora asko ibili ziren partehartzaile guztiak: hurrengo ibilaldirako zita jarri zuten, eta baita mendi taldea sortzeko gogoa azaldu ere!