Umore saioa izanen da gaur, Goizuetako eskolako jangelan. Bakean dagoena, bakean utzi emanaldia eskainiko dute Idoia Torregaraik eta Mirari Martiarenak, arratsaldeko 19:00etan hasita: elkarrekin jositako sei bakarrizketa umoretsu.
Euskera eta generoa izanen dituzte umorerako gai nagusi, eta makina bat kontu ikutuko dituzte: euskalkiak, onomatopeiak, amatasuna, gorpuztasuna edota kristalezko sabaia, besteak beste. Ordubeteko saioa izanen da, eta egunerokotasunetik eta jolasetik landuko dituzte horiek guztiak, «umore betaurrekoak jantzita», aurreratu dutenez.
Sarrerak bertan, 3 euroan
Adin guztietarako emanaldia izanen da, eta saioa ikusteko sarrerak, gaur bertan egonen dira salgai, eskolako jangelan: 3 euro izanen dira.