Garagardo Festa antolatu du larunbaterako, goizuetar talde batek, Umore Ona Elkartearen babesarekin. Elkartean bertan izanen da, gaueko 21:30etatik aurrera. Joan nahi duenak, gaur arte izanen du aukera txartelak erosteko; Amaia kafetegian erosi ahal izanen dira.
Bi txartela mota daude: bata, menuarena, 10 euroan; eta bestea, garagardoarena, 19 euroan.
Menu konpletoa
Bertan afaldu nahi duenak, ondorengo menua izanen du: entsalada, saltxitxak patata purearekin, txerri sahieskia labean erreta, eta postrea, kafea eta kopak. Horrez gain garagardoen txartela erosten dutenek, bost garagardo dastatu ahal izanen dituzte: Otsaihen, Franziskaner, Leffe Blonde, Ago eta Oharas.
Afari girotua izanen da, gainera, musika ere izanen baita. Hain zuzen, Unai eta Enekoren trikitixa-doinu eta pandero-hotsek alaituko baitute Garagardo Festa.