Bihar zortzi, urriaren 13an, ospatuko du Umore Ona elkarteak Atalen eguna. Egutegian egun berezia izaten da eta arratsaldera arteko egitaraua antolatu da. Pasa den urtean bi aste atzeratu zen, baina aurten ez da horrelakorik espero. 11:00etan hasiko dira ekintzak, eta bazkalostera arte luzatuko da.
Umeak protagonista
Atalen irteerarekin hasiko da eguna Madalenatik habiatuta. Irumaita txarangarekin batera eginen dute, haien erritmora. Ondoren hasiko dira pilota partiduak frontoian. Bertan izanen dira Umore Onako pilotariak. Segidan hasiko da herriko eragileen emanaldia. Umore Ona abesbatza, dantza taldea eta txarangak bat eginen dute herrian zehar. Bazkaria eginen dute 14:00etan, eta bukatzeko, dantzaldia izanen da, Ganddegiko Luixen eskutik.
ATALEN EGUNA Urriak 13 - Egitaraua
- 11:00, Irumaita txaranga eta Atalen irteera Madalenatik.
- 11:30, Pilota partiduak Umore Onako pilotarien eskutik.
- Ondoren, Umore Ona abesbatza, dantza taldea eta txarangaren emanaldia herrian zehar.
- 14:00, Bazkaria Umore Ona elkartean.
- Bazkal ondoren, Dantzaldia Ganddegiko Luixen eskutik.