Goizueta eta Aranoko ikasle, irakasle eta gurasoei tokatu zaie aurten, Eskolen arteko Topaketa antolatzea, Goizuetako Xalto eskolari egokitu baitzaizkio prestaketa lanak.
Hilaren 14an elkartuko dira, Goizueta, Arano, Leitza eta Aresoko ikasle, irakasle eta gurasoak, elkar ezagutu eta harremanak sendotzeko asmoz.
Festa, egun osoan
Ospakizunak goizeko 11:00etan hasiko dira. Ongietorria egin eta bioingeniaritza taldeak osatuko dira.
Segidan, tailer eta jolasen tartea hasiko da, plazan, eta eguerdiko 13:00ean kalejira eginen da, trikitilariekin.
Bazkaritarako, paella izanen da eskolan bertan, eta ondoren, haur txikientzako eta gurasoentzako jolasak, eta koskorragoentzako, eta baita gurasoentzako ere, futbol partidu erraldoia antolatu dira. Okasiorako sortu duten kantua ere kantatuko dute, denek elkarrekin: Erreka bazterrean.
Bukatzeko, berendua eta agurra izanen dira.
Aranon hilaren 14an eginen den bertso afarirako izen ematea irekita dago.
Aranon, bertso afaria
Egun osoko festaren ondoren, bertso afaria eginen da Aranon; Txirrita, beste 80 urtian. Txirrita hil zela 80 urte beteko dira aurten, eta hainbat ekitaldi antolatu dira honen bueltan.
Aitor Mendiluze eta Agin Laburu izanen dira bertsotan, eta afaltzeko: entsalada, perretxiku nahaskia, bakailu ajoarrieroa, redondoa saltsan eta postrea, 25 euroan. Izena emateko Kontsejura deitu behar da: 948 514 279.