Ereñotzuko Auzo Udalak aditzera eman duenez, ikastaroen eskaintzan, pilateseko klaseak kanpoan geratu ziren aurtengoan, «irakaslea aurkitzeko zailtasunengatik». Baina azkenean lortu dute ereñotzuarrek irakaslea aurkitzea, eta azarotik aurrera saioak eskainiko dira, asteazkenetan, goizeko 11:45etatik 12:45etara. Horrela, lehendabizikoa izango da azaroaren lehen asteazkenean, hilaren 4an alegia.
Izenematea, bihar arte
Zabalik dago pilates ikastaroan izena emateko aukera, baina bihar da azken eguna hori egiteko. IzeNa emateko Auzo Udalarekin jarri behar da harremanetan, 943 33 70 00 telefono zenbakira deituta. Ikastaroak, bere osotasunean, 76,56 euro balio du. Hori ordainduta, esan bezala, asteazkenero izango dira ordubeteko saioak, azaroan hasi eta ikasturte amaierara arte.