Kartel lehiaketa jarri dute martxan Ereñotzun ere, aurtengo San Antonio jaietako kartela zein izango den erabakitzeko. Maiatzaren 18ra arte izango da proposamenak aurkezteko epea.
Jasotako lan guztien artean bat aukeratuko du epaimahaiak, eta 100 euroko saria eskuratuko du irabazleak. Olak Auzo Elkartearen jabetzan geratuko da saritutako lana.
Ereñotzuko Auzo Udalean entregatu beharko dira lanak, bertara eramanda edo posta arruntez bidalita, honako helbidera: Ereñotzuko Auzo Udala, Ereñotzu 2, kultur etxea, 20128 Hernani.
Lanak paperean eta formatu digitalean, kartazal itxi batean
Paperean zein formatu digitalean aurkeztu behar da kartela, koloretan, edozein modalitate artistikotan. Kartazal itxi batean aurkeztu behar dira lanak, eta horren barruan sartu beharko da beste kartazal itxi bat, egilearen datuekin: izen-abizenak, helbidea eta telefonoa.
12 zentimetroko zabalera eta 32 zentimetroko altuera izan beharko du kartelak, eta bertan, derrigorrez azaldu beharko dute honakoek: 'San Antonio Jaiak', 'Ereñotzu' eta '2026'.
Larunbatarekin tokatuko da San Antonio eguna aurten, ekainaren 13a; eta asteburu hori luzatuta ospatuko dituzte aurtengo jaiak ereñotzuarrek.